Եւրոպական Արահետ E4

Եւրոպական Արահետ E4․ Երկար հեռաւորութիւններու E4 Եւրոպական արահետը, միջազգային արահետ է սահմանուած Եւրոպական Լեռնային հետիոտն ուղեւորութեան միութեան կողմէն (E.W.V.) հետեւեալ երկիրներուն մէջ՝ Սպանիա, Ֆրանսա, Զուիցերիա, Գերմանիա, Աւստրիա, Հունգարիա, Ռումանիա (կամ Սերպիա), Պուլկարիա, Յունաստան եւ Կիպրոս։

Սպանիա

Երկար հեռաւորութիւններու E4 Եւրոպական արահետին նշանակը

E4 սկիզբ կ՛առնէ Սպանիոյ հարաւային կէտէն՝ Թարիֆա, կ՛եզերէ արեւելեան Սպանիան, կ՛անցնի Ֆրանսա Փիրինեան լեռներէն, կտրելով 2750քլ․ ճամբայ։

Ֆրանսա

Մոն Նուարէն, E4 կ՛անցնի Քարքասոնէն եւ կտրելով հովիտներ ու GR 71, GR 7, GR 72 եւ դէպի հիւսիս (Վերքոր, Կրենոպլ եւայլ․) անցնելով GR 44, GR 4, GR 42, 429 արահետներէն, կը հասնի Զուիցերիոյ սահմանները, Ժընեւին մօտ․ 1100քլ․։

Զուիցերիա

E4 նշանակ, Զուիցերիա

E4 կը հետեւի Եուրա լեռնագագաթին ուղին եւ կը հասնի Տիլսնտորֆ․ 300քլ․։ Անկէ, կը շարունակէ Քոնսթանս լիճեզերքի երկայնքին մինչեւ Ռէյնեք գիւղը՝ գերմանական սահմաններուն․ 150քլ․։

Գերմանիա - Աւստրիա

E4 ունի երկու ընտրութիւններ․-

Արեւմտեան մասը․ Պրեկենզեր Ուալտէն (Bregenzer Wald) մինչեւ Ռոֆանկեպերկ (Rofangebirge)՝ 495 քլ․։

եւ կամ՝

Միջին մասը․ Գայզերկեպերկէն (Kaisergebirge) մինչեւ Թոթես Կեպիրկը (Totes Gebirge)՝ 441քլ․:

Հունգարիա

E4 նշանակ

E4 կը ճեղքէ «Országos Kéktúra» արահետը (Հիւսիսային Հունգարական Լեռներ), 1118քլ․ եւ կը շարունակէ Հունգարիոյ Մեծ Դաշտավայրէն՝ 262քլ։

Ռումանիա կամ Սերպիա

Ռումանիա

E4 Ռումանիոյ մէջ դեր յստակացած չէ, որովհետեւ որեւէ կազմակերպութիւն յանձն չ՛առներ արահետներուն պահպանումը։

Սերպիա

E4 նշանակ, Բիրին լեռնաշղթայ, Պուլկարիա

Սերպիոյ Լեռնային Միութիւնը E4 սահմանած է։ Կը սկսի Հունգարիոյ եւ Սերպիոյ սահմանագիծին վրայ գտնուող սերպական Տալա գիւղէն։ Կը շարունակէ Սուլթաններուն Ուղիէն եւ Սոֆիա կը յանգի։

Պուլկարիա

E4 կը սկսի Սոֆիայէն եւ կը ճեղքէ Ռիլա ու Բիրին լեռնաշղթաները, ի միջի այլոց Ռիլայի եօթը լիճերը․ 250քլ․։

Յունաստան

E4 Եւրոպական արահետ, Անօ Տոլիանա, Արքատիա, Պելոպոնես

Յունաստանի մէջ բոլոր արահետները, ինչպէս նաեւ E4 սահմանուած եւ արձանագրուած են յատուկ գիրքի մէջ Յունաստանի Հետիոտն Միութեան կողմէն (Hellenic Federation of Mountaineering and Climbing / Ε.Ο.Ο.Α)։

E4 կը ճեղքէ Փրոահոնա-Սերես ճամբան, ուր կը խաչաձեւէ E6 արահետը եւ կը հասնի Ֆլորինա։ Կը շարունակէ ուղին դէպի հարաւ եւ ճեղքելով Վերնոն, Վերմիօ, Փիերիա եւ Ողիմպոս լեռները ու կեդրոնական Յունաստանի լեռնազանգուածը, Տելֆի կը յանգի։ Ապա Կորնթոսի ծոցը անցնելով կը մտնէ հիւսիսային Պելոպոնեսի լեռնային մասը ու կը հասնի մինչեւ Մենալոս լերան Պատսպարանը։ Շարունակելով կը ճեղքէ Պելոպոնեսի կեդրոնական եւ արեւելեան լեռնային շրջանները եւ կը յանգի՝ Սփարթի, Ղիթիօ եւ ապա Կրետէ՝ Նիդա լեռնադաշտ եւ Իդա։

Լրիւ տեղեկութիւններ Յունաստանի E4 արահետներուն համար հետաքրքրուողը կրնայ նաեւ գտնել Թիմ Սալմոնի եւ Մայքըլ Քիւլենի «Trekking in Greece» (2018) գիրքին մէջ, իսկ գերմաներէն լեզուով Պելոպոնեսի E4 արահետներուն մասին «E4 Pelopnnes (Conrad Stein, 2007)» գիրքին մէջ։