Մեղրիկ եպս․ Բարիքեան
Մեղրիկ եպս․ Բարիքեան (3 Յունուար 1968, Պէյրութ, Լիբանան - 16 Յունուար 2021, Պէյրութ, Լիբանան), Մեծի Տանն Կիլիկիոյ կաթողիկոսութեան միաբաններէն։
| Մեղրիկ եպս․ Բարիքեան | |
|---|---|
 | |
| Ծնած է | 3 Յունուար 1968 |
| Ծննդավայր | Պէյրութ, Լիբանան |
| Մահացած է | 16 Յունուար 2021 (53 տարեկանին) |
| Մահուան վայր | Պէյրութ, Լիբանան |
| Կրօնք | Հայ Առաքելական Եկեղեցի |
| Մասնագիտութիւն | հոգեւորական, եպիսկոպոս |
Կենսագրութիւն
ԽմբագրելԾնած է 3 Յունուար 1968-ին, Պէյրութ (Լիբանան)։ Աւազանի անունով՝ Կարապետ։ Նախնական ուսումը ստացած է Ազգային Աքսոր Գասարճեան եւ Միհրան Գարակէօզեան Վարժարաններուն մէջ։
Մեծի Տանն Կիլիկիոյ Կաթողիկոսութեան Դպրեվանք ընդունուած է Հոկտեմբեր 1982-ին։ Հետեւելէ ետք Դպրեվանքի Ժառանգաւորաց քառամեայ դասընթացքին, սարկաւագ ձեռնադրուած է 26 Մայիս 1985-ին, ձեռամբ Դպրեվանքի տեսուչ Տ. Տաթեւ Արք. Սարգիսեանի։ Աւարտելէ ետք Ընծայարանի բաժինը, կուսակրօն եկեղեցական ձեռնադրուած եւ օծուած է 29 Մայիս 1988-ին, ձեռամբ Զարեհ Արք. Ազնաւուրեանի, վերակոչուելով Տ. Մեղրիկ Աբեղայ։
Վարդապետական Գաւազանի իշխանութիւն ստացած է 3 Յուլիս 1994-ին, ձեռամբ Թեհրանի Հայոց Թեմի առաջնորդ Արտակ Արք. Մանուկեանի, աւարտաճառ ներկայացնելով «Թուղթք Տ. Ներսիսի Կաթողիկոսի Հայոց գրեալք ի զանազան ժամանակս առ այլեւայլ անձինս» աշխարհաբարի թարգմանութիւնն ու քննական ուսումնասիրութիւնը։
Լանջախաչ կրելու իրաւունք ստացած է 3 Յունուար 1996-ին, հրամանաւ Ն.Ս.Օ.Տ.Տ. Արամ Ա. Կաթողիկոսի։ Ծայրագոյն Վարդապետութեան իշխանութիւն ստացած է 26 Մայիս 2002-ին, ձեռամբ Զարեհ Արք. Ազնաւուրեանի։
Վանական պարտաւորութիւններու կողքին, 1996-1997-ին հետեւած է «Overcome Violence»ի ուսումնական ծրագիրին եւ Պoսէյի Միջ-եկեղեցական հիմնարկին (Bossey Ecumenical Institute)։
Սարկաւագութեան օրերուն հետեւած է դաշնակի դասընթացքներու։
Վանական պարտականութիւններ եւ գործունէութիւն
Խմբագրել1988-1995-ին եղած է Դպրեվանքի դպրապետ եւ հսկիչ, միաժամանակ վարելով Կաթողիկոսարանի «Շնորհալի» երգչախումբի ղեկավարութիւնը։
1995-ին Մայր Տաճարին լուսարարապետ նշանակուած է:
1997-1999-ին մեկնած է Նիւ Եորք եւ հետեւած Mannes College of Music-ի դասընթացքներուն։
1999-2002-ին ստանձնած է Ժըպէյլի «Թռչնոց Բոյն»ի տեսչութիւնը։
19 Դեկտեմբեր 2002-ին գործուղուած է Թորոնթօ (Գանատա), իբրեւ հոգեւոր հովիւ Ս. Աստուածածին եկեղեցւոյ։
2010-ին նշանակուած է Օնթարիօ նահանգի հոգեւոր տեսուչ, իսկ 19 Դեկտեմբեր 2013-ին՝ առաջնորդական փոխանորդ Գանատայի Հայոց Թեմին:
27 Ապրիլ 2014-ին, Արամ Ա. Կաթողիկոս եպիսկոպոսական ձեռնադրութիւն եւ օծում շնորհած է։ Գանատայի Մայիս 2014-ին, Գանատայի Հայոց Թեմի Ազգային Երեսփոխանական Ժողովը Մեղրիկ եպս. Բարիքեանը առաջնորդ ընտրած է։ Իբրեւ առաջնորդ երկու տարի ծառայելէ ետք, 11 Նոյեմբեր 2016-ին անձնական պատճառներով իր հրաժարականը ներկայացուցած է եւ Մայրավանք վերադարձած։
Կաթողիկոսարանէն ներս ստանձնած է Կիլիկիոյ Կաթողիկոսութեան Քրիստոնէական Դաստիարակութեան Բաժանմունքի վարիչի պաշտօնը։
2017-ին հիմնած է Կաթողիկոսարանի «Նարեկացի» մանկապատանեկան երգչախումբը։ 2018-ին մեկնած է Պարսկաստան, ստանձնելով Թեհրանի Թեմի առաջնորդական փոխանորդի պաշտօնը։ 2019-ին վերադարձած է Մայրավանք եւ ստանձնած՝ «Թռչնոց Բոյն»ի հոգեւոր տեսուչի պաշտօնը։2020-ին, Դպրեվանքի տեսուչ նշանակուած է, այս պաշտօնը վարելով մինչեւ անժամանակ վախճանումը 16 Յունուար 2021-ին։
Բարիքեան երաժշտական մարզէն ներս կատարած է բազմաթիւ մշակումներ եւ յօրինումներ։ Խմբագրած է երաժշտական բնոյթ ունեցող հատորներ[1][2]։
Խմբագրած է երաժշտական բնոյթ ունեցող հատորներ։ Հեղինակն է.
- 12 Աստուածաբանական եւ Կրօնական հատորներու,
- 2 Երաժշտական հատորներու,
- 9 խմբագրական աշխատանքներու,
- 15 ձայնասկաւառակներու (Երաժշտական DVD-ներու եւ CD-ներու),
- 5 Symphony-ներու եւ 1 Oratorio Cantata-ի։
Ծանօթագրութիւններ
Խմբագրել- ↑ «Կենսագրութիւն Տ. Մեղրիկ Եպս. Բարիքեանի»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2021-01-18։ արտագրուած է՝ 2021-01-20
- ↑ «ԿԵՆՍԱԳՐՈՒԹԻՒՆ Տ. ՄԵՂՐԻԿ ԵՊՍ. ԲԱՐԻՔԵԱՆԻ»։ HyeTert (tr-TR)։ 2021-01-17։ արտագրուած է՝ 2021-01-20