Ամալ Քլունի

Ամալ Ռամզի Ալամուտին-Քլունի (անգլերէն՝ Amal Clooney, արաբերէն՝ أمل علم الدين, ծն.՝ 3 Փետրուար 1978(1978-02-03)[1], Պէյրութ[2]), գրող[3], բարձրակարգ փաստաբան, որ մասնագիտացած է իրաւունքի, քրէական իրաւունքի, մարդու իրաւունքներու պաշտպանութեան եւ արտայանձնման ոլորտներու մէջ[4]:

Ամալ Քլունի
արաբերէն՝ أمل علم الدين
Amal Clooney in London - 2018 (41999192931) (cropped).jpg
Ծնած է 3 Փետրուար 1978(1978-02-03)[1] (42 տարեկան)
Ծննդավայր Պէյրութ, Լիբանան[2]
Քաղաքացիութիւն Flag of the United Kingdom.svg Միացեալ Թագաւորութիւն
Flag of Lebanon.svg Լիբանան
Կրօնք Սիւննի
Ուսումնավայր Dr Challoner's High School
Նիւ Եորք համալսարանի իրաւաբանական դպրոց
Սան Հիու Քոլէճ
Մասնագիտութիւն Փաստաբան, իրաւապաշտպան, գրագէտ
Աշխատավայր Քոլումպիա Համալսարան
Անդամութիւն Ինըր Թեմփըլ
Ամուսին Ճորճ Քլունի
Ծնողներ հայր՝ Ramzi Alamuddin
Երեխաներ Alexander Clooney եւ Ella Clooney

Ան ներգրաւուած եղած է շարք մը մեծ դատավարութիւններու մէջ, ինչպէս` Էլկինի մարմարները Մեծն Բրիտանիայէն Յունաստան վերադարձնելու դատը, «Ուիքիլիքս»-ի Ճուլիան Ասանժի պաշտպանութիւնը եւ Ուքրանիոյ նախկին վարչապետ Եուլիա Թիմոշենքօյի դատը[4]: Ան նաեւ աշխատած է ՄԱԿ-ի մէջ Լիբանանի հարցերով յատուկ դատարանի դատախազի, ինչպէս նաեւ նախկին Եուկոսլաւիոյ համար Միջազգային քրէական դատարանին հետ:

ԿենսագրութիւնԽմբագրել

Ծնած է 1978 թուականին, Լիբանան, անոր հայրը տիւրզի է[5], իսկ մայրը` սիւննի մահմետական[6]: Երկու տարեկանին ընտանիքը կը տեղափոխուի Մեծն Բրիտանիա:

Ամալ Իրաւաբանական կրթութիւնը ստացած է Նիւ Եորքի համալսարանի իրաւաբանական բաժանմունքին մէջ եւ աշխատած` Արդարադատութեան միջազգային դատարանին մէջ (Համաշխարհային դատարան):

2010-ին Լոնտոն վերադառնալէն ետք ան դարձած է «Տաութի Սթրիթ Չեմպըրզ» (Doughty Street Chambers) փաստաբան: Եղած է Սուրիոյ հարցերով ՄԱԿ-ի յատուկ յանձնակատար Քոֆի Անանի խորհրդականը։

2013-ին` ՄԱԿ-ի անօդաչու սարքերու քննութեամբ զբաղող խումբին փաստաբանը: Ան գերազանց կը տիրապետէ անգլերէնին, ֆրանսերէնին եւ արաբերէնին[7][8]:

Սեպտեմբեր 2014-ին անոր ամուսնութիւնը Ճորճ Քլունիի հետ լայնօրէն լուսաբանուած է միջազգային մամուլի մէջ:

2015-ին, Ամալ Քլունի Հայաստանը ներկայացուցած է Սթրազպուրկի մէջ` Յունուար 28-ին Մարդու իրաւունքներու եւրոպական դատարանին մէջ (ՄԻԵԴ) «Փերինչեքը ընդդէմ Զուիցերիոյ» վերաքննութեան գործին: «Փերինչեք՝ ընդդէմ Զուիցերիա» գործով ՄԻԵԴ-ի վճիռը արձանագրած է, որ Հայոց Ցեղասպանութիւնը պատմական անառարկելի իրողութիւն է, ինչ որ հայութեան համար յաղթանակ է: Աղմկայարոյց գործով վճիռի հրապարակումէն ետք, իբրեւ երրորդ կողմ գործին մէջ ներգրաւուած Հայաստանի ներկայացուցիչ Ամալ Քլունի յայտնած է․

  Թուրքիան կրնայ շարունակել այդ իրողութեան ժխտումը, բայց այս որոշումէն ետք անոնք այլեւս չեն կրնար վկայակոչել Մարդու իրաւունքներու եւրոպական դատարանի ստորին պալատի վճիռը։
- Ամալ Քլունի
 


Փաստաբանին համաձայն՝ թրքական ժխտողականութիւնը անհեռանկարային էր, կը դանդաղեցնէր այդ երկրի հանրութեան առողջացումը եւ կը բարդացնէր հաշտութիւնը:

  Ինծի համար մեծ պատիւ էր Հայաստանը ներկայացնել այս գործին մէջ։ Համոզուած եմ, որ հայերը հիմնականօրէն չեն մտահոգուիր Փերինչեքի հնչեցուցած արտայայտութիւններով: Հայերուն շատ աւելի սրտամօտ է Հռոմի պապին ուղերձը, որուն մէջ յստակնօրէն կը նշուի Հայոց Ցեղասպանութեան մասին: Միացեալ Նահանգներու նախագահ Պարաք Օպաման եւս, մինչեւ երկիրի ղեկի ստանձնումը, կը կիրարկէր Հայոց Ցեղասպանութիւն եզրը: Ես զգացուած եմ, որ դեր ունեցած եմ այս գործին մէջ:[9]
- Ամալ Քլունի
 


ԾանօթագրութիւններԽմբագրել