Գէորգ Հաճեան

Գէորգ Հաճեան;
Ծնած է	1971
Ծննդավայր	Այնճար, Լիբանան
Մահացած է	6 Հոկտեմբեր 2020
Մահուան վայր	Արցախի պատերազմ
Քաղաքացիութիւն	Լիբանան; Հայաստան
Կարողութիւն	Կոմիտաս եւ ռազմահայրենասիրական երգերու մեկնաբան
Մասնագիտութիւն	Թենոր երգիչ եւ խմբավար
Գործունէութիւն	խմբավար
Կուսակցութիւն	ՀՅԴ
Ամուսին	Բանասէր Ֆրիտա Գզլեան-Հաճեան
Երեխաներ	Թաթուլ Հաճեան

Գէորգ Հաճեան, լիբանանահայ օփերային երգիչ, խմբավար, ազատամարտիկ^[2]։

«…Եթէ կ՚ուզես ազգային պատկանելիութեան սահմանը անգամ մը չափել, պէտք է երթալ եւ հայ զինուորին կողքին կենալ»^[3]:

- Գէորգ Հաճեան «Ազդակ», 6-1-2018

Կենսագրութիւն Խմբագրել

Գէորգ Հաճեան ծնած է 1971 թուականին Լիբանանի Այնճար քաղաքին մէջ։ Նախնական կրթութիւնը ստացած է տեղի «Յառաջ» եւ «Գալուստ Կիւլպէնկեան» վարժարաններուն մէջ։ 1984-ին յաճախած է Մեծի Տանն Կիլիկիոյ կաթողիկոսութեան Զարեհեան դպրեվանք, զոր աւարտած է 1992 թուականին։ Յաճախած է Լիբանանին «Բարսեղ Կանաչեան» երաժշտական քոլեճը, ուսուցիչը եղած է հայ խմբավար, «Սեբաստացիներ» եւ ԵՊԿԵ գեղարուեստական ղեկավար Յարութիւն Թոփիկեանը։ Որպէս մեներգիչ` հանդէս եկած է Մեծի Տանն Կիլիկիոյ Կաթողիկոսութեան «Շնորհալի», Համազգայինի «Կոմիտաս», «Պարոյր Սեւակ» եւ Թրիփոլիի «Ֆայհա» երգչախումբերուն մէջ։ Եղած է Անճար քաղաքի «Առաջ» երգչախումբի ղեկավարը, մասնակցած է 14 դպրոցներու միջեւ տեղի ունեցող «Բարսեղ Կանաչեան» մրցոյթին եւ գրաւեր առաջին տեղը։

Օփերային երգիչ, խմբավար, ազատամարտիկ, նահատակ Գէորգ Հաճեան Արցախի Ազատ Անկախ հանրապետութեան մէջ գտնուող Գանձասարի վանքին ետեւի դրան դիմաց։

1994-ին տեղափոխուած է Քուէյթ, ուր 10 տարի ղեկավարած է Ազգային վարժարանի մանկապատանեկան երգչախումբը եւ Ազգային առաջնորդարանի չափահասներու «Նարեկացի» երկսեռ երգչախումբը^[4]:

2005 թուականին ընտանիքին հետ հաստատուած է Հայաստան, ուր ալ մինչեւ 2009 թուականը ուսումը շարունակած է Երեւանի Կոմիտասի անուան պետական երաժշտանոցի մէջ։ Որպէս մեներգիչ` հանդէս եկած է Երեւանի «Շարական» հնագոյն երաժշտական համոյթի մէջ՝ Դանիէլ Երաժիշտի ղեկավարութեամբ:

Մենահամերգներ Խմբագրել

Գէորգ Հաճեանը մենահամերգներ ունեցած է Հայաստանի, Արցախի, Վիեննայի, Սլովենիայի, Գանատայի, ԱՄՆ-ի, [[Պրազիլիոյ|Պրազիլիոյ]], Կիպրոսի, Պուլկարիոյ, Իտալիոյ, Ֆրանսայի, Եգիպտոսի, Սուրիոյ, Լիբանանի, Քուէյթի, Քաթարի եւ Իրանի մէջ։

Գէորգ Հաճեանի Համերգները Արցախի Մէջ Խմբագրել

28 Սեպտեմբեր 2018-ին, Արցախի սահմանամերձ Նորշէն գիւղին մէջ տեղի ունեցաւ Գէորգ Հաճեանի առաջին համերգը` Ստեփանակերտի «Տնջրէ» եւ Նոր շէնի «Մոնթէ» համոյթներուն մասնակցութեամբ: Համերգը նուիրուած էր Համազգայինի հիմնադրութեան 90-ամեակին, Հայաստանի Ա. Հանրապետութեան 100-ամեակին եւ արցախեան շարժման 30- ամեակին^[5]:
29 Սեպտեմբեր 2018-ին, Գէորգ Հաճեան համերգային ծրագիրներով այցելեց Արցախի երկու N զօրամասեր, ուր իր խրոխտ երգերով ոգեւորեց հայ զինուորները: Զինուորներուն կողքին երգը աւելի իրական կը հնչէր, որովհետեւ իրենց ձօնուած էր:
30 Սեպտեմբերին Գէորգ Հաճեան համերգով հանդէս եկաւ Քարվաճառի մէջ, ու եզրափակուեցաւ անոր արցախեան այցելութիւնը: Սակայն, ինչպէս երգիչը նշած է, համերգները Արցախի մէջ այսուհետեւ շարունակական պիտի ըլլան^[5]:
22 Մարտի 2019-ին, Քաշաթաղի շրջանի Կովսական քաղաքին մէջ, Համազգային հայ կրթական եւ մշակութային միութեան Արցախի գրասենեակի նախաձեռնութեամբ, կայացաւ լիբանանահայ հայրենադարձ երգիչ Գէորգ Հաճեանի համերգը, զոր նուիրուած էր մեծ երգահան Կոմիտասի ծննդեան 150-ամեակին^[6]:

Պատուոյ գիր եւ շնորհակալագիր Խմբագրել

2011-ի նոյեմբերին մասնակցելով Իտալիայի «International Competition of Opera Singers»-ին` դասուեր է լաւագոյն տասնեակին մէջ եւ արժանացեր պատուոյ գիրին:
29 Սեպտեմբեր 2018-ին, Գէորգ Հաճեանը Արցախի երկու N զօրամասերու հրամանատարութեան կողմէ արժանացաւ յատուկ շնորհակալագիրի` պաշտպանութեան բանակին հետ սերտ համագործակցութեան համար^[5]:

Մահ Խմբագրել

2020 թուականի աշնանը մասնակցեր է Արցախի մէջ տեղի ունեցող հայ-ատրպէյճանական պատերազմին^[7]։ ՀՅԴ կամաւորական 2-րդ վաշտի հրամանատար Մհեր Յարութիւնեանի եւ նոյն վաշտի ազատամարտիկ Քրիստափոր Արթինի հետ անոնք հերոսաբար նահատակուեցան Հոկտեմբեր 6-ին՝ Արցախի մէջ, ռազմավարական կարեւորագոյն նշանակութեան ունեցող՝ հիւսիսային «Վարանգաթաղ» (Լուլասազ) բարձունքի մը ազատագրութեան համար մղուած ծանր մարտին մէջ՝ ջախջախիչ հակահարուած տալով թշնամիին^[8]:

Սկաւառակագրութիւն Խմբագրել

«Կոմիտասեան Երախայրիք»^[9]
«Զքեզ Օրհնեմք»
«Հայաստանը Երգերում»
«Ղօղանջ անկախութեան» խորագիրով՝ երկու ձայնասկաւառակէ բաղկացած գեղատիպ այս հրատարակութիւնը կ՛ընդգրկէ ազգային-յեղափոխական երգերու փունջ մը, որ մեզի կը պատմէ 20-րդ դարու հայ ազատագրական պայքարի մասնակից տիտան հերոսներու կեանքն ու սխրանքը, ազատութեան, անկախութեան եւ հայրենիքի փրկութեան մղուած մարտերու կենսագրութիւնը^[3]:

Ի շարս այլոց, ուշագրաւ է «Յարատեւ կռիւ» երգը, որ արդէն տեսերիզի մը մէջ իր խայտանքը կ՛ապրի իբրեւ նիւթ եւ մատուցում: Փաստօրէն, բեմադրիչ եւ ազատամարտիկ Սամուէլ Թադեւոսեանի յղացումով (երգ ու տեսերիզ), այս երգը թռիչք առած կը թեւածէ հայրենի բանակին կողքին ու հայոց լեռներու ամբողջ տարածքին: Արցախ աշխարհին մէջ նկարահանուած այս երգն ու տեսերիզը, որ նուիրուած է հայոց բանակին ու անոր ցուցաբերած զոհաբերութեան, մեծագոյն փաստն է հայ արուեստագէտներու, յատկապէս այս պարագային Գէորգ Հաճեանի հայրենասիրութեան^[3]:

Ծանօթագրութիւններ Խմբագրել

↑ https://web.archive.org/web/20201016015542/https://gols.am/?p=5682
↑ One Studio։ «Ինքնաճանաչողութիւնը Աստուծոյ ներկայութիւնը քու մէջ զգալու կարողութիւնն է. Գէորգ Հաճեան»։ www.yerkir.am (ամհարերեն)։ արխիւացուած է բնօրինակէն-էն՝ 2020-10-16-ին։ արտագրուած է՝ 2020-10-08
↑ ^3,0 ^3,1 ^3,2 Ի Սրտի Խօսք` Հայրենապաշտ Երաժիշտ Գէորգ Հաճեանին (Նոր Հրատարակուած Ձայնասկաւառակի Մը Առիթով)
↑ Գէորգ Հաճեան. «Ես միշտ գոհ չեմ իմ աշխատանքէն»
↑ ^5,0 ^5,1 ^5,2 Գէորգ Հաճեանի Համերգները Արցախի Մէջ
↑ Ապառաժ»-ի Հարցազրոյցը Լիբանանահայ Հայրենադարձ Երգիչ Գէորգ Հաճեանի Հետ
↑ «PanARMENIAN.Net - Mobile»։ www.panarmenian.net։ արտագրուած է՝ 2020-10-08
↑ Գերագոյն Մարմինը Կը Գուժէ Ընկերներ Մհեր Յարութիւնեանի, Գէորգ Հաճեանի եւ Քրիստափոր Արթինի Մահը ^{[permanent dead link]}
↑ «CD ԿՈՄԻՏԱՍԵԱՆ ՀԱՅԱՍՏԱՆԸ եւ ԿՈՄԻՏԱՍԵԱՆ ԵՐԱԽԱՅՐԻՔ»։ Cilicia Bookstore (en-US)։ արտագրուած է՝ 2020-10-08

Արտաքին յղումներ Խմբագրել

[[https://web.archive.org/web/20201016015542/https://gols.am/?p=5682_https://web.archive.org/web/20201016015542/https://gols.am/?p=5682]<span_class="wef_low_priority_links"></span><div_style="display:none"></div>-1] ttps://web.archive.org/web/20201016015542/https://gols.am/?p=5682

[2] One Studio։ «Ինքնաճանաչողութիւնը Աստուծոյ ներկայութիւնը քու մէջ զգալու կարողութիւնն է. Գէորգ Հաճեան»։ www.yerkir.am (ամհարերեն)։ արխիւացուած է բնօրինակէն-էն՝ 2020-10-16-ին։ արտագրուած է՝ 2020-10-08

[համբ-3] 3,0 ^3,1 ^3,2 Ի Սրտի Խօսք` Հայրենապաշտ Երաժիշտ Գէորգ Հաճեանին (Նոր Հրատարակուած Ձայնասկաւառակի Մը Առիթով)

[4] Գէորգ Հաճեան. «Ես միշտ գոհ չեմ իմ աշխատանքէն»

[գէորգ-5] 5,0 ^5,1 ^5,2 Գէորգ Հաճեանի Համերգները Արցախի Մէջ

[6] Ապառաժ»-ի Հարցազրոյցը Լիբանանահայ Հայրենադարձ Երգիչ Գէորգ Հաճեանի Հետ

[7] «PanARMENIAN.Net - Mobile»։ www.panarmenian.net։ արտագրուած է՝ 2020-10-08

[8] Գերագոյն Մարմինը Կը Գուժէ Ընկերներ Մհեր Յարութիւնեանի, Գէորգ Հաճեանի եւ Քրիստափոր Արթինի Մահը ^{[permanent dead link]}

[9] «CD ԿՈՄԻՏԱՍԵԱՆ ՀԱՅԱՍՏԱՆԸ եւ ԿՈՄԻՏԱՍԵԱՆ ԵՐԱԽԱՅՐԻՔ»։ Cilicia Bookstore (en-US)։ արտագրուած է՝ 2020-10-08

[2]

[1]

[3]

[4]

[5]

[6]

[7]

[8]

[9]