Հրանտ Մաթեւոսեան

Հրանտ Մաթեւոսեան (12 Փետրուար 1935(1935-02-12), Թումանեան, Լոռի (մարզ) կամ Ահնիձոր, Լոռի (մարզ) — 19 Դեկտեմբեր 2002(2002-12-19), Երեւան, Հայաստան), հայ արձակագիր եւ բեմագիր։

Հրանտ Մաթեւոսեան
Ծնած է	12 Փետրուար 1935(1935-02-12)
Ծննդավայր	Թումանեան, Լոռի (մարզ), Հայաստան Ահնիձոր, Լոռի (մարզ), Հայաստան
Մահացած է	19 Դեկտեմբեր 2002(2002-12-19) (67 տարեկանին)
Մահուան վայր	Երեւան, Հայաստան
Քաղաքացիութիւն	Հայաստան
Ազգութիւն	հայ
Ուսումնավայր	Խ. Աբովեանի Անուան Մանկավարժական Համալսարան Սցենարիստների և ռեժիսորների բարձրագույն դասընթացներ
Տեսակներ	վիպակ
Մասնագիտութիւն	գրագէտ, Հեղինակ, արձակագիր
Պարգեւներ եւ մրցանակներ	ԽՍՀՄ պետական մրցանակ Երեւանի պատուաւոր քաղաքացի Սուրբ Մեսրոպ Մաշտոցի շքանշան
Կայքէջ	hrantmatevossian.org

Հրանտ Մաթեւոսեանի յուշարձանը՝ Վանաձոր, քանդակագործ` Սեւօ (Սարգիս Ղարիբեան)

Կենսագրութիւն

Ծնած է 1935-ին, Ահնիձոր, Հայաստանի հիւսիսը։ Միջնակարգ կրթութիւնը գիւղի եւ գաւարի դպրոցներուն մէջ ստացած՝ ապա աւարտած է Երևանի մանկավարժական հիմնարկի պատմա-լեզուական բաժինը (1962)։

Արդէն այդ տարիներէն՝ ուշադրութիւն գրաւած է իր «Ահնիձոր» գրական ակնարկը, որ ուժեղ գրիչով կը պատկերէ ժամանակի (փաստօրէն՝ մասամբ նաեւ դեռ մինչեւ այսօրուան) հայ գիւղաշխարհը՝ իր տիպարներով, տագնապներով ու հարցադրումներով։ 1967-ին աւարտած է Մոսկուայի շարժա-բեմագրային (սենարիական) բարձրագոյն դասընթացքները, նոյն տարին հրատարակելով առաջին գործը՝ պատմուծք-վիպակներու ժողովածու մը։

Հետեւող երկու տասնամեակներուն, արտադրած է այլ երկեր, որոնք առաջինին պէս վարպետ շարժանկարիչի ոսպնեակով կը պատկերեն հայ գիւղաշխարհը, լայն ընդհանրացումներով՝ դէպի յետ-60-անական Հայաստանի (եւ նոյն ծիրի երկիրներու) քաղաքակրթական հարցերը, տագնապները։ Արդէն իր իսկ, ապա նաեւ ուրիշ գրագէտներու երկրէն, Մաթեւոսեան պատրաստուած է շարժա-բեմագրութիւններ, նկարահանուած Հայֆիլմի աշխատանոցներուն մէջ։

Մահացած է Երևան, 2002-ին։

Կրթութիւն

'Մահարձանը՝ Պանթէոն մէջ

• Կիրովականի մանկավարժական հիմնարկ
• 1958-1962 - Երեւանի մանկավարժական հիմնարկի պատմա-լեզուաբանական բաժին։
• 1966-1967 - Մոսկուայի շարժա-բեմագրային (սենարիական) բարձրագոյն դասընթացքներ։
• 1965-1967 - Մոսկուայի բարձրագոյն բեմագրային դասընթացներ։

Մրցանակներ

• 1967՝ "Дружба народов" ամսագիրի մրցանակ
• 1984՝ Գրականութեան ՀԽՍՀ պետական մրցանակ
• 1996՝ ՀՀ Մեսրոպ Մաշտոց շքանշանի ասպետ

Գործեր

Իր գործերը թարգմանուած են բազմաթիւ լեզուներու՝ ռուսերէնէ մինչեւ գերմաներէն, չեխերէն, անգլերէն եւն.։

Գործերէն

• «Օգոստոս» (1963)
• «Մենք ենք, մեր սարերը» (շարժա-բեմագրութիւն, 1969)
• «Ծառերը» (վիպակներ, 1978)
• «Մեր Վազքը» (պատմուածքներ, 1978)
• «Տէրը» (վիպակներ, 1983)
• «Չէզոք Գօտի» (թատերգութիւն, 1983)։

Գրականութիւն Հրանտ Մաթեւոսեանի մասին

• Կիմ Աղաբեկեան, Հրանտ Մաթեւոսյան. Ծմակուտի վիպասքը, Երեւան, Երեւանի համալսարանի հրատարակչութիւն, 1988, 356 էջ։

Աղբիւր

• Յարութիւն Քիւրքճեան, Հայ կեանք եւ գրականութիւն, Բ-Գ կարգեր (գիրք), էջ 292:

Արտաքին հղումներ

• Հրանտ Մաթեւոսեանի պաշտօնական կայք: