Բացել գլխավոր ցանկը

Յարութիւն Կալենց

Յարութիւն Հարմանտաեան (Յարութիւն Կալենց, 27 Մարտ 1910, Կիւրին - 7 Մարտ 1967, Երեւան ), հայ նկարիչ։

Յարութիւն Հարմանտաեան
267x400px
Ծնած է 27 Մարտ 1910
Ծննդավայր Կիւրին
Վախճանած է 7 Մարտ 1967
Մահուան վայր Երեւան, Հայաստանի Խորհրդային Սոցիալիստական Հանրապետութիւն, Խորհրդային Սոցիալիստական Հանրապետութիւններու Միութիւն
Քաղաքացիութիւն ԽՍՀՄ
Ազգութիւն Հայ
Ժանրեր դիմապատկեր
Մասնագիտութիւն Նկարիչ
Պարգեւներ եւ
մրցանակներ
Հայկական ԽՍՀ վաստակավոր նկարիչ ՀԽՍՀ պետական մրցանակ
Ամուսին Արմինէ Կալենց
Երեխաներ Սարօ Կալենց

ԿենսագրութիւնԽմբագրել

ծնած է Թուրքիոյ Կիւրին քաղաքը: Մեծ Եղեռնէն ետք ապաստանած է Հալէպի որբանոցը, ապա տեղափոխուած ՝ Պէյրութ։ Մասնագիտական կրթութիւնը ստացած է ֆրանսացի նկարիչ՝ Ժորժ Միշլէի արուեստանոցը։

1920-ական թուականներու վերջերը, վերջինիս հետ ճամբորդած է Լիբանանի եւ Սուրիոյ կարգ մը վայրեր, ուր ցուցադրուած են իր կտաւի վրայ աշխատանքները։ 1932-ին Լիբանանի մէջ ստեղծուած «Արուեստի բարեկամներու միութեան» հիմնադիր անդամներէն եղած է: 1939-ին մասնակցած է Նիու Եորքի միջազգային ցուցահանդէսին, ուր Լիբանանաի մասին իր պատրաստած հարթաքանդակները արժանացած են պատուոյ յիշատակութեան։ 1942-ին, եղած է «Լիբանանի նկարիչներու միութեան» հիմնադիրներէն։ Արտասահմանի մէջ ունեցած է անհատական շարք մը ցուցահանդէսներ։ 1946-ին իր կնոջ՝ նկարչուհի Արմինէ Կալենցի հետ ներգաղթած է Հայաստան։ Մասնակցած է հանրապետական եւ միութենական բազմաթիւ ցուցահանդէսներու։ Ունեցած է անհատական ցուցահանդէսներ Երեւանի մէջ (1962), Մոսկուայի մէջ (1965)։ 1966-ին մասնակցած է Չեքոսլովաքիոյ մէջ կազմակերպուած արուեստի տասնօրեակի ցուցահանդէսին, ապա Փարիզի մէջ կազմակերպուած «Ուրարտուէն մինչեւ մեր օրերը» ցուցահանդէսին։

Լաւագոյն գործերէն են՝ «Գարուն», «Ծառ Զանգեզուրի ձորում», «Աշունը Հրազդանի ափին», «Ծաղիկներ», Մայա Պլիսեցկայայի, Գէորգ Էմինի, եւ այլոց դիմանկարները եւ այլն [1]: :

ԾանօթագրութիւններԽմբագրել

  1. Գառնիկ Ստեփանյան (1981)։ Կենսագրական բառարան, հատոր Բ։ Երեւան: «Սովետական գրող»։ էջ էջ 82