Նորա Արմանի
Նորա Արմանի (Էքսէրճեան, 31 Օգոստոս 1956, Կիզա, Եգիպտոս), թատրոնի եւ շարժապատկերի հայազգի դերասանուհի, բեմադրիչ[1], Գաբրիէլ Սունդուկեանի անուան ազգային ակադեմական թատրոնի պատուաւոր անդամ, Երեւանեան թատերական փառատօնի դափնեկիր։
| Նորա Արմանի ֆրանսերէն՝ Nora Armani | |
|---|---|
.jpg) | |
| Ծնած է | 31 Օգոստոս 1956 (68 տարեկան) |
| Ծննդավայր | Կիզա, Եգիպտոս |
| Քաղաքացիութիւն |
 Եգիպտոս Ֆրանսա |
| Ուսումնավայր |
Լոնտոնի Տնտեսութեան համալսարան Քալիֆորնիա Համալսարան (Լոս Անճելըս) Գահիրէի Ամերիկեան Համալսարան |
| Մասնագիտութիւն | դերասանուհի, հեղինակ, ժապաւէնի բեմադրիչ |
Կենսագրութիւն
ԽմբագրելՆորա Արմանին ծնած է Գահիրէ։ Յաճախած է Գահիրէի Նուպարեան ազգային վարժարանը, այնուհետեւ յաճախած է անգլիական դպրոց։ Աւարտած է Գահիրէիի Ամերիկեան համալսարանը՝ ուսանելով ընկերաբանութիւն եւ թատրոն։ Այնուհետեւ ուսանած է Լոնտոնի տնտեսութեան եւ քաղաքական գիտութիւններու դպրոցին մէջ (London School of Economics)։ Թատերական կրթութիւնը ստացեր է Լոնտոնի թատերական արուեստի թագաւորական ակադեմիայի՝ (RADA) եւ Քալիֆորնիոյ համալսարանին մէջ (UCLA)։ Հետեւեր է տարբեր թատերական ծրագիրներու Փարիզի եւ Լոնտոնի մէջ, աշխատակցելով Իրինա Պրուքի եւ անոր հօր աշակերտ՝ Եոշի Օիտայի եւ Արիան Մնուշքինի (Theatre du Soleil) հետ։
1974 թուականէն համատեղ ելոյթներ ունեցեր է դերասան-բեմադրիչ Ժիրայր Փափազեանի հետ, որու հետ ամուսնացեր է 1977 թուականին։ Միասին հանդէս եկած են «Արարատեան կայան» ներկայացումին մէջ հայերէն, անգլերէն եւ ֆրանսերէն լեզուներով[2]։ Փարիզ հաստատուելէն յետոյ հիմնած է «Բարեւ» ֆիլմ ընկերութիւնը, նկարահանած «Հայֆա» շարժանկարը։ Ելոյթներ ունեցեր է Սիտնիի օփերային թատրոնի բեմին վրայ, Մեթրոփոլիթեն թանգարանին մէջ, Լոնտոնի Ռիվըրսայթ տաղաւարներուն եւ Գահիրէի օփերային մէջ։ 1993 թուականէն Գաբրիէլ Սունդուկեանի Անուան Ազգային Ակադեմական Թատրոնի պատուաւոր անդամ է։
Գլխաւոր դերեր ստանձներ է անգլիական BBC, եգիպտական TV եւ ամերիկեան CWTV հեռուստաընկերութիւններու հաղորդաշարներուն մէջ։ Նկարահանուեր է բազմաթիւ կարճամեթրաժ եւ լիամեթրաժ ֆիլմերու մէջ։
Նիւ Եորքի մէջ բեմադրեր է Ուիլիըմ Սարոյեանի, Ակնես Ժաուի, Ժան Փիեռ Պաքրիի, Ալեքսանտր Տիւմայի ստեղծագործութիւնները, Սարոյեանը՝ նաեւ Երեւանի մէջ։ Իր գրութիւնները եւ բանաստեղծութիւնները հրատարակուած են տարբեր հաւաքածուներու մէջ։ «Բազմոցի վրայ՝ Նորա Արմանիի հետ» եւ «Ինձ մի ինքնութիւն փոխ տուէք, էլի» գործերը ձայնասփռուեր են Ֆրանսական ռատիոյով եւ Նիւ Եորքի համալսարանին մէջ։ Կ'ապրի եւ կը ստեղծագործէ Նիւ Եորքի մէջ՝ ամուսնոյն՝ Արետ Սփանճեանի հետ, ծրագիրներով հանդէս կու գայ Փարիզի եւ Երեւանի մէջ[3]։
Ֆիլմեր
Խմբագրել- «Վարդագոյն փիղ», 1988
- «Ժամկէտը՝ եօթ օր», 1991
- «Վերջին կայարան», 1994
- «Լաբիւրինթոս», 1995
- «Աննա Տէրեան», 1995
- Le coeur à l'ouvrage, 2000
- Echek, 2000
- «Քեռի Պի» (ԱՄՆ), 2007
- «Հարեւան, հարեւանուհի», 2005
- «Սանթա Քլաուսը Պաղտատի մէջ», 2008
- «Ֆուկան»
- «Մարքօ Փօլօ»
- «Սեղան 5-ի համար»
- «Լաւագոյն պաշտպանութիւնը»
Դերեր թատրոնի մէջ
Խմբագրել- «Մերսետես», Երեւանի պատանի հանդիսատեսի թատրոն[4][5]
- «Արժանապատուութեան մարդը»
- «Անթոնիոս եւ Քլէոփաթրա»
Պարգեւներ, մրցանակներ
Խմբագրել- «Արծաթէ աստղ» մրցանակ, 1987
- Հարաւային Քալիֆորնիայի «Ոսկէ Աստղ Հալօ» մրցանակ
- Լոս Անճելըսի « Քալիֆորնիայի Drama-Logue տրամա-Լոկ»ի (թատրոնի Օսքարը կը համարուի) մրցանակ
- Սիւնիքի կինոփառատօնի լաւագոյն դերասանուհիի մրցանակ
Ծանօթագրութիւններ
Խմբագրել- ↑ Лилит Асланян (2011-10-24)։ «Нора Армани: О любви с жестами и без…»։ "ЕРЕВАН"։ արխիւացուած է բնօրինակէն-էն՝ 2012-08-27-ին։ արտագրուած է՝ 2012-10-19
- ↑ Ա. Բախչինեան, «Հայազգի գործիչներ»
- ↑ Նորա Արմանի
- ↑ Ներկայացման առաջին ցուցադրութիւնը՝ Պատանի հանդիսատեսի թատրոնին մէջ
- ↑ «Հայ հանդիսատեսը աւելի պահանջկոտ է եւ զարգացած». Նորա Արմանի