Քերոս (յուն․՝ Κέρος), Էգէական ծովու կղզի, Փոքր Քիքլատես, Քիքլատես, Յունաստան։ Հնագիտական վայր։ Կը գտնուի Նաքսոս կղզիին հարաւ-արեւելքը, Ամորղոսին հիւսիս արեւմուտքը եւ Քուֆոնիսիային հարաւը։ 

Կղզի
Քերոս
Քերոս․ հիւսիսէն նկարուած
Երկիր ՅունաստանԷգէական ծով, Քիքլատես, Փոքր Քիքլատես
Տարածութիւն 15 քմ²
ԲԾՄ 432 մեթր
Բնակչութիւն 0 մարդ (2011)
Կը գտնուի ափին Էգէական Ծով
Ժամային գօտի UTC+2 եւ UTC+3։00
Քերոս կղզիին դիրքը․ Նաքսոս եւ Ամորղոս կղզիներուն միջեւ

Տեղեկութիւններ Խմբագրել

Քերոս լեռնային, անջրդի ու դժուարամատչելի կղզին մըն է։ Կղզին ծանօթ է իր սպիտակ մարմար քարով։ Տարածութիւնն է 15,042 քլ․², իսկ ծովեզրն է՝ 27 քլ․։

Կղզիին կարգ մը տարածքներ, պարբերաբար աճուրդի կը տրուին անասնապահական գործունէութիւններուն համար։

Քերոս, Քուֆոնիսիա, Սհինուսա եւ Իրաքլիա կղզիներուն հետ իրենց միջերկրականեան հարուստ կենսաբազմազանութեան (ցամաքի եւ ծովու) շնորհիւ, բնապահպանման բնագառէն ներս իբրեւ CORINE բնասահմանուած են։

Կղզին 1968-էն անբնակ է։

Պատմական ակնարկ Խմբագրել

 
Քերոս․ հարաւի ծոցը

Հնադարին կղզին Քարոս , Քերիա եւ կամ Քերի՛ա կը կոչուէր․ անունին առաջին արձանագրութիւնը յայտնաբերուած է Ք․Ա․ 425-ին, Աթէնքի Դաշինքի անուանացանկին մէջ։ Կղզիին Քավոս Տասքալիու (արեւմտեան մաս) վայրը յայտնաբերուած են Քիքլատեան Մշակոյթի պատկանող բազմաթիւ հնագիտական իրեր, որոնք կը փաստեն թէ կղզին դասական շրջանին Տիլոսի նման սրբավայր եղած է։

Միջնադարին ծառայած է իբրեւ ծովահէններու խարիսխ-թաքստոց։ Մինչեւ 1952 Ամորղոս կղզիին վրայ գտնուող Հազովիոթիսա վանքին սեփականութիւնն էր։ Իսկ այսօր՝ Ամորղոս քաղաքապետութեան եւ յայտարարուած է իբրեւ Հնագիտական վայր։

1963-ի, 1967-ին եւ 2006-2008 Քերոսի տարածքին հերթական կանոնաւորութեամբ հնագիտական պեղումներ կատարուած են։

Յայտնաբերուած հնագիտական իրերը կը ցուցադրուին Աթէնքի Հնագիական Ազգային Թանգարանին մէջ, ինչպէս նաեւ Նաքսոսի Հնագիտական Աթէնքի Ղուլանտրիս Քիքլատեան Մշակոյթի թանգարաններուն մէջ։

Պատկերասրահ Խմբագրել

Հնագիտական իրեր Խմբագրել

Կղզին Խմբագրել

[1] [2] [3] [4] [5]

Տե՛ս նաեւ Խմբագրել

Ծանօթագրութիւններ Խմբագրել