Քուֆոնիսիա յուն․՝ Κουφονήσια, Էգէական ծովու կղզի, Փոքր Քիքլատես, Քիքլատես, Յունաստան․ կ՛ ընդրկէ երկու բնակուած կղզիներ՝ Անօ կամ Փանօ (=վերին) Քուֆոնիսի եւ Քաթօ Քուֆոնիսի (=վարին), Քերոս կղզին, ինչպէս նաեւ անոնց շուրջը գտնուող բազմաթիւ կղզիակներ։  

Կղզի
Քուֆոնիսիա
Քուֆոնիսիա
Երկիր ՅունաստանԷգէական ծով, Քիքլատես, Փոքր Քիքլատես
Տարածութիւն 26,025 քմ²
ԲԾՄ 114 մեթր, 32 մեթր
Կը գտնուի ափին Էգէական Ծով
Ժամային գօտի UTC+2 եւ UTC+3։00
Փոստային ցուցանիշ 843 00
Պաշտօնական կայքէջ koufonisia.gr
Քուֆոնիսիա․ նկարուած Նաքսոսի Զաս լերան գագաթէն․ Անօ եւ Քաթօ Քուֆոնիսիա ու իրենց ետեւը՝ Քերոս կղզին
Քուֆոնիսիա․ Անօ Քուֆոնիսի

Ընդհանուր տեղեկութիւններ Խմբագրել

Քուֆոնիսիա կը գտնուին Նաքսոսին հարաւ-արեւելքը՝ 3 ծովային մղոն, Ամորղոսին հիւսիս-արեւմուտքը եւ Սհինուսային արեւելքը։  Մաս կը կազմեն Փոքր Քիքիլատեսին։  Անօ եւ Քաթօ Քուֆոնիսի կղզիները իրարմէ կը բաժնուին 200 մ․ լայնք ունեցող նեղուցէ մը։

Քուֆոնիսի անունի ծագման մասին երկու տարբերակներ կան։

  • Քուֆոնիսի կը կոչուէր Քուֆոնիսիա եւ Ղլարոնիսիայի միջեւ ծոցը՝ Քուֆոս Լիմին․ այսինքն՝ խուլ (ապահով) նաւակայք, ուր նաւերը խարիսխ կը նետեն։
  • Կղզիներուն վրայ գտնուած բազմաթիւ քարայրներուն համար։

Հերթական կանոնաւորութեամբ ծովային ճամբով Փիրէային հետ կապուած է։  իսկ Նաքսոսին հետ ամենորեայ․ ամառները՝ 2-3 անգամ օրուան ընթացքին։

 
Ինը ճառագայթ աստղով քանդակուած տապակ՝Ք․Ա․2800-2500․ Նաքսոսի Հնագիտական թանգարան

Պատմական ակնարկ Խմբագրել

Քուֆոնիսիա բնակուած են նախապատմական ժամանակաշրջանէն։ Հնագիտական պեղումները նաեւ յայտնաբերած են վաղ քիքլատեան մշակոյթի պատկանող իրեր, ինչպէս օրինակ տապակ մը, որուն վրայ ինը ճառագայթով աստղ մը քանդակուած է (Նաքսոսի Հնագիտական թանգարան)։  

Կղզիներուն վրայ տեսանելի են Հելենիստական եւ հռոմէական շրջաններու  հետքերը։  Կղզիները տարապած են ծովահէններու յարձակումներէն։  Անոնց պատմութիւնը կը հետեւի Քիքլատեսի պատմութեան[1]։

 
Անօ Քուֆոնիսի․ նկարուած Նաքսոսի Զաս լերան գագաթէն․ ետեւը՝ Քերոս կղզիին մեծ մասը եւ ձախին Ամորղոս

Քուֆոնիսիա կղզիներու համալիրին գլխաւորները Խմբագրել

Անօ Քուֆոնիսի Խմբագրել

Տարածութիւնն է 5,7 քմ․²։ Բնակչութեան թիւն է՝ 366։  Բնական գեղեցկութեամբ օժտուած կղզի։ Բնակիչները ընդհանրապէս կը զբաղին ձկնորսութեամբ, անասնապահութեամբ եւ վերջին տասնամեակներուն՝ զբօսաշրջիկութեամբ։  5 գլխաւոր ու գեղեցիկ ծովափներն են՝ Փորի, Ֆինիքաս, Հարոքոփի եւ Փլաթիա Փունտա։ Հորա բնակավայրը կը յատկանշուի Քիքլատեան ճարտարապետական ոճով։

Քաթօ Քուֆոնիսի Խմբագրել

Տարածութիւնն է 4,4 քմ․²։ Մինչեւ Ի․ դարավերջին մօտաւորապէս 10 ընտանիք ունէր։  Մեր օրերուն մնացած են միայն ձկնորսերու քանի մը բնակարաններ։  Կղզին ամառները կը բնակուի։  Հին տաճարի աւերակներուն վրայ կառուցուած է Աստուամօր եկեղեցին։

Բնակիչները երկրագործութեամբ, անասնապահութեամբ, ձկնորսութեամբ եւ զբօսաշրջիկութեամբ կը զբաղին։

Տեսարժան վայրեր Խմբագրել

[2] [3] [4] [5] [6] [7]

Տե՛ս նաեւ Խմբագրել

Սհինուսա

Տոնուսա

Իրաքլիա

Քերոս

Ամորղոս

Ծանօթագրութիւններ Խմբագրել