Ալմա Սաֆրազեան
Ալմա Սաֆրազեան (Վարդանոյշ Գելոյեան[1], 20 Նոյեմբեր 1859, Ախալցխա, Ռուսական Կայսրութիւն - 18 Նոյեմբեր 1932, Աղդաշ, Ազրպէյճանական Խորհրդային Սոցիալիստական Հանրապետութիւն, Անդրկովկասի ԽՖՍՀ, Խորհրդային Միութիւն), հայ դերասանուհի եւ թատերական գործիչ։
| Ալմա Սաֆրազեան | |
|---|---|
| Ծննդեան անուն | Վարդանոյշ Գելոյեան |
| Ծնած է | 20 Նոյեմբեր 1859 |
| Ծննդավայր | Ախալցխա, Ռուսական Կայսրութիւն |
| Մահացած է | 18 Նոյեմբեր 1932 (72 տարեկանին) |
| Մահուան վայր | Աղդաշ, Ազրպէյճանական Խորհրդային Սոցիալիստական Հանրապետութիւն, Անդրկովկասի ԽՖՍՀ, Խորհրդային Միութիւն |
| Մասնագիտութիւն | դերասանուհի |
| Ամուսին | Ստեփան Սաֆրազեան |
Կեանք եւ գործունէութիւն
ԽմբագրելԾնած է Թիֆլիսի Ախալցխա քաղաքը։ Անոր բեմական գործունէութիւնը սկիզբ առած է 1880 թուականին, ծննդավայրին մէջ, ներկայացնելով Շէյքսփիրի «Համլեթ»ի Օֆելիա դերը, խաղընկերութեամբ դերասան Պետրոս Ադամեանի:
Ներկայացումներ
ԽմբագրելԱլմայի ամուսինը եղած է դերասան եւ թատերական գործիչ Ստեփան Սաֆրազեանը։ Ան իր ամուսնոյն հետ ներկայացումներ ունեցած է Երեւանի, Կարսի, Գանձակի, Թաւրիզի, Թեհրանի, Աստրախանի եւ այլ շրջաններու մէջ:
Ալմա իր ամուսնոյն հետ ներկայացուցած է բազմաթիւ թատրոններ. ինչպէս՝
- Գաբրիէլ Սունդուկեանի «Պէպօ»ն,
- Շէյքսփիրի «Օթելլօ»ն,
- Մուրացանի «Ռուզան»ը,
- Զակոմէտիի «Ոճրագործի ընտանիքը» եւ այլ ներկայացումներ:
1883 թուականէն սկսեալ հայկական թատրոնի կողքին դերեր ստանձնած է նաեւ ազրպէյճանեան թատրոններու մէջ, ըլլալով առաջին դերասանուհին: Այդտեղ հանդէս եկած է Մ. Ֆ. Ախունտովի «Հաճի Կարա», Մատաթեանի «Ագահութիւնը թշնամի կը վաստակէ» եւ այլ ներկայացումներ, իր ամուսնոյն կողքին խաղընկեր ունենալով նաեւ ժամանակուան յայտնի դերասաններ Զէյնալովը, Նարիմանովը եւ ուրիշներ:
Թարգմանութիւններ
ԽմբագրելԴերասանութեան կողքին կատարած է նաեւ թատերական գործերու թարգմանութիւններ, ռուսերէնի վերածելով Սունդուկեանի «Պէպօ»ն, Ախունտովի «Հաճի Կարա»ն եւ ուրիշներ:
Կոչում
Խմբագրել1926-ին արժանացած է Ազրպէյճանի Վաստակաւոր արուեստագիտուհիի կոչումին[2]:
Ծանօթագրութիւններ
Խմբագրել- ↑ «Սաֆրազեան Ալմա»։ www.raa-am.com։ արխիւացուած է բնօրինակէն-էն՝ 2019-09-14-ին։ արտագրուած է՝ 2022-04-04
- ↑ «AV Production - Ալմա Սաֆրազեան»։ avproduction.am։ արխիւացուած է բնօրինակէն-էն՝ 2022-04-04-ին։ արտագրուած է՝ 2022-04-04
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|