Վարդգէս Ահարոնեան

Հայ իրաւաբան, գրող եւ մանկավարժ։

Վարդգէս Ահարոնեան (27 Դեկտեմբեր 1888(1888-12-27), Իգտիր, Երեւանի նահանգ, Ռուսական Կայսրութիւն - 19 Փետրուար 1965(1965-02-19)[1], Ուաշինկթըն, Ամերիկայի Միացեալ Նահանգներ), հայ իրաւաբան, գրող, մանկավարժ։

Վարդգէս Ահարոնեան
Ծնած է 27 Դեկտեմբեր 1888(1888-12-27)
Ծննդավայր Իգտիր, Երեւանի նահանգ, Ռուսական Կայսրութիւն
Մահացած է 19 Փետրուար 1965(1965-02-19)[1] (76 տարեկանին)
Մահուան վայր Ուաշինկթըն, Ամերիկայի Միացեալ Նահանգներ
Քաղաքացիութիւն  Ռուսական Կայսրութիւն
Ուսումնավայր Մոսկուայի պետական համալսարանի իրաւաբանական բաժին
Մասնագիտութիւն իրաւաբան, գրագէտ, հասարակական գործիչ, մանկավարժ
Կուսակցութիւն Հայ Յեղափոխական Դաշնակցութիւն
Ծնողներ հայր՝ Աւետիս Ահարոնեան

Ծնած է Սուրմալու գաւառի Իգտիրմաւա գիւղը, 1888-ին: Իվտիրէն անցած է Երեւան, ուր սորված է ռուսերէն եւ ընդունուած է Երեւանի ռուսական գիմնազիան եւ ուսանած՝ մինչեւ 1903: Ապա ան մտած է Մոսկուայի համալսարանի իրաւաբանական բաժինը, զոր աւարտած է 1912-ին:

1914-ին, կամաւորական գունդերու կազմութեան ժամանակ դարձած է Անդրանիկի քարտուղարը եւ ռուսերէն լեզուի թարգմանիչը:

1916-ին, կամաւորական գունդերու լուծարումէն ետք, անցած է Թիֆլիս:

Հայաստանի Հանրապետութեան շրջանին Վարդգէս Ահարոնեան վարած է Երեւանի դատական շրջանի դատախազի պաշտօնը, ապա ազգայնացուած դատարանի առաջին դատախազի պաշտօնը:

Հայաստանի խորհրդայնացումէն ետք անցած է Փարիզ, իսկ 1923-ին ՀՅԴ Ամերիկայի Կեդրոնական Կոմիտէի հրաւէրով, շրջուն գործիչի պաշտօնով գացած է Ամերիկա: Նիւ Եորքի մէջ իր կնոջ Արմենուհիին հետ հիմնած է «Ահարոնեան Վարժարան»ը եւ կազմած է հայերէնի դասագիրքեր:

Մահացած է Պելմոնթի մէջ, 15 Փետրուար 1965-ին[2]:

  • «Յովհաննէս Թումանեան – Մարդը եւ բանաստեղծը», Պոսթոն, 1936։ Վերահրատարակութիւն՝ Երեւան, 2019[3],
  • «Րաֆֆիի կեանքն ու գործը», Նիւ Եորք, 1936[4],
  • «Անդրանիկ, մարդը եւ ռազմիկը», Պոսթոն, 1957,
  • «Լեւոն Շանթ, մարդը եւ գործը»։

Ծանօթագրութիւններ

Խմբագրել
  1. 1,0 1,1 1,2 Bibliothèque nationale de France data.bnf.fr: open data platform — 2011.
  2. «Խմբագիրներ»։ Hairenik Weekly Newspaper (en-US)։ 2009-02-03։ արտագրուած է՝ 2022-02-15 
  3. «Յովհաննէս Թումանեանի Ծննդեան 150-ամեակ . Վերնատունը` Ըստ Վարդգէս Ահարոնեանի»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2019-04-06։ արտագրուած է՝ 2022-02-15 
  4. «Րաֆֆու կեանքը՝ Թումանեանի սեղանին (Հայաստան)»։ Hamazkayin (Hy-am)։ 2021-02-23։ արտագրուած է՝ 2022-02-15