Արամ Ինճիկեան

Արամ Ինճիկեան, (29 Դեկտեմբեր 1910(1910-12-29), Ախալցխա22 Մարտ 1975(1975-03-22)),ուսուցիչ,գիտութեան վաստակաւոր գործիչ,գրագէտ-քննադատ:

Արամ Ինճիկեան
Aram Injigyan.png
Ծնած է 29 Դեկտեմբեր 1910(1910-12-29)
Ծննդավայր Ախալցխա
Մահացած է 22 Մարտ 1975(1975-03-22) (64 տարեկանին)
Ազգութիւն հայ
Ուսումնավայր Խ. Աբովեանի Անուան Մանկավարժական Համալսարան
Երեւանի Պետական Համալսարան
Մասնագիտութիւն գրականագէտ, ուսուցիչ, գրաքննադատ
Աշխատավայր ՀՀ ԳԱԱ գրականության ինստիտուտ
ՀՀ ԳԱԱ գրականության ինստիտուտ
Բանվորա-գյուղացիական Կարմիր բանակ
Բանվորա-գյուղացիական Կարմիր բանակ
Պարգեւներ եւ
մրցանակներ
Հայկական ԽՍՀ գիտութեան վաստակաւոր գործիչ ՀԽՍՀ պետական մրցանակ
Անդամութիւն Խորհրդային Հայաստանի Գրողներու Միութիւն

ԿենսագրութիւնԽմբագրել

Միջնակարք ուսումը ծննդավայրին մէջ ստանալէ ետք,որպէս ուսուցիչ կը պաշտօնավարէ Խնձորեսկի եւ Դսեղի դպրոցներուն մէջ, եւ ապա՝ նոյն պաշտօնով կ'անցնի Ախալցխա, ուր, հեռակայ կարգով միաժամանակ կը շարունակէ իր ուսումը: Երեւանի Մանկավարժական Հիմնարկի լեզուի եւ գրականութեան բաժանմուքի ընթացքը աւարտելէ ետք, 1934-ին կը մտնէ Երեւանի Պետական Համալսարանի ասպիրանգական բաժինը, իսկ 1937-ին որպէս գիտաշխատող, կ'անցնի Երեւանի Պատմութեան եւ Գրականութեան Հիմնարկը: 1938-1946 թուականներուն, որպէս սովետահայ բանակային, կը մասնակցի Համաշխարհային Բ. Պատերազմի մարտերուն: 1946-ին զօրանալեն ետք, մինչեւ իր մահը կը պաշտօնավարէ ՀՍՍՀ ԳԱ Մանուկ Աբեզեանի անուան Գրականութեան Հիմնարկին մէջ։ Գրագէտ-քննադատ,գիտութեան վաստակաւոր գործիչ, Բանասիրական Գիտութիւններու Դոկտոր, Արամ Ինճիկեան կը հանդիսանայ նոր եւ ժամանակակից հայ գրականութեան ամէնէն հմուտ եւ ձեռնհաս գրականագէտներէն մէկը: Իր անուան կապուած կը մնայ դասական շարք մը գրողներու՝ Մ.Նալպանտեանի, Ռ. Պատկանեանի, Յովհ. Թումանեանի, Յ.Պարոնեանի, Յ.Յովհաննիսեանի երկերուն ակադեմական հրատարակութիւնը: Ա. Ինճիկեան հեղինակն է բազմաթիւ հետազօտութիւններու եւ մենադրութիւններու: Անոր գրչին կը պատկանին հայ նոր գրականութեան դասական ներկայացուցիչներու՝ Ղ. Ալիշանի, Ռ. Պատկանեանի, Մ.Պէշիկթաշլեանի, Ս. Շահազիզի, Ալ. Ծատուրեանի եւ Սիամանթոյի նուիրուած շարք մը հետազօտութիւններ ինչպէս նաեւ՝ «Լերմոնտովը եւ Հայ Վաթսունականները», «Բելինսկին Հայ Գրականութեան մէջ», «Չերնիշիւեսկու եւ Նալպանտեանի Գաղափարական Կապերի Հարցին Շուրջը» ուսումնասիրութիւնները: Ա. Իճիկեանի աշխատասիրութիւններէն առանձին հատորով լոյս տեսած են Ա.Իսահակեան (Երեւան,1940), Միքայէլ Նալպանտեանի Կեանքի եւ Գործունէութեան Տարեգրութիւնը (Երեւան,1954), ԱՒ. Իսահակեան (Երեւան, 1955), Մտերիմներ եւ Մտորումներ (Երեւան, 1967), Յովհաննէս Թումանեան (Երեւան, 1969), Աւ. Իսահակեան (Երեւան, 1977): Ա. Ինճիկեան կը մահանայ 1975-ին Մարտին:

ԱղբիւրներԽմբագրել

Հայկազեան Հայագիտական Հանդէս , Հատոր Զ., Պէրութ, 1977,էջ 353-354