Համբիկ Մարտիրոսեան
Համբիկ Մարտիրոսեան(4 Դեկտեմբեր 1945, Սեբաստիա, Թուրքիա), բանաստեղծ, արձակագիր եւ հրապարակագիր։
| Համբիկ Մարտիրոսեան | |
|---|---|
 | |
| Ծնած է | 4 Դեկտեմբեր 1945 (78 տարեկան) |
| Ծննդավայր | Սեբաստիա, Թուրքիա |
| Մասնագիտութիւն | բանաստեղծ, արձակագիր, հրապարակագիր |
Կենսագրութիւն
ԽմբագրելԾնած է Արեւմտեան Հայաստան, Սեբաստիա: Նախնական, միջնակարգ եւ երկրորդական ուսումը ստացած է Պոլսոյ մէջ: Հայերէն լեզուն սորված է պատանի տարիքին:
Համալսարանական ուսումը ստացած է Լիբանանի Սէն Ժոզէֆ համալսարանէն ներս, հետեւելով հայագիտական ճիւղին: Յետ ուսման, մեկնած է Դամասկոս եւ պաշտօնավարած է Դամասկոսի Առաջնորդարանէն ներս՝ 25 տարի, նոյն ժամանակ հիմնելով եւ ղեկավարելով եկեղեցւոյ Եկմալեան երգչախումբը՝ նոյնքան տարիներ:
Դիւանապետութեան կողքին, որպէս ուսուցիչ պաշտօնավարած է Դամասկոսի Հայկական Բարեգործական Ընդհանուր Միութեան Սահակեան վարժարանին մէջ, նախ ուսուցիչ, յետոյ որպէս տնօրէն: Աշխատած է այլ դպրոցներու մէջ եւս, դասաւանդելով հայերէն լեզու եւ գրականութիւն:
Համբիկ Մարտիրոսեան, կը հանդիսանայ Դամասկոսի Թէքէեան Մշակութային Միութեան հիմնադիրներէն... աւելի ճիշդը՝ գլխաւոր հիմնադիրը՝ 1971 թուականին եւ հանդիսացած անոր ատենապետը՝ երկար տարիներ:
1997-ին տեղափոխուած է Լիբանան։ Լիբանանի մէջ եղած է Հայկական Բարեգործական Ընդհանուր Միութեան Շրջանակային Յանձնաժողովի տնօրէն-դիւանապետ, ապա 2007 թուականէն ի վեր «ԽՕՍՆԱԿ» պաշտօնաթերթի գլխաւոր խմբագիրն է[1], միաժամանակ, հանդիսանալով ՀԲԸՄ- ի «Ահրամճեան Բժշկական Կեդրոն»-ի տնօրէն՝ 2018-էն մինչեւ օրս:
Հակառակ իր բազմազբաղութեան, ատենապետն է «ԽՕՍՆԱԿ» Մշակութային Յանձնախումբին եւ գեղարուեստական ղեկավարը եւ խմբավարը՝ իր հիմնած «ՇՈՂԵՐԳ» Երգեցիկ խումբին:
Գրական եւ Լրագրական Գործունէութիւն
ԽմբագրելՀամբիկ Մարտիրոսեան իր խմբագրական աշխատանքին կողքին, երկար տարիներ աշխատակցած է լիբանանահայ մամուլի՝ «Զարթօնք», «Ազդակ», «Արարատ» եւ «Նայիրի» թերթերուն, ինչպէս նաեւ Միացեալ Նահանգներու «Պայքար» շաբաթաթերթին եւ սփիւռքահայ մամուլին: Ունի բազմաթիւ ազգային, ընկերային, երգիծական եւ քաղաքական յօդուածներ՝ հրատարակուած մամուլի մէջ, շատ յաճախ ծածկանուններով:
Համբիկ Մարտիրոսեան պատրաստած է նաեւ Քերականութեան դասագիրքեր՝ նախակրթարանի Գ.Դ. եւ Ե. կարգերու համար[2]:
Երկեր եւ գրական ստեղծագործութիւններ
ԽմբագրելՀամբիկ Մարտիրոսեան հեղինակ է հետեւեալ գործերու.՝
- ԵՍ ԵՒ ԴՈՒՆ, Բանաստեղծութիւն 1981
- ՍՊԻՏԱԿ ԵՐԳ, Պոէմ 2003
- ՄԱՐԴ ՄԱՐԴԱՑԻՐ Կ՛ԱՂԱՉԵՄ, Պոէմ 2004
- ՀՐԵՇՏԱԿՆԵՐՈՒ ՄԱՅՐԱՔԱՂԱՔԸ, Թատրերգութիւն 2004
- ՎԵՐԱԴԱՐՁ ԴԷՊԻ ԱՐՄԱՏՆԵՐ, Յուշագրութիւն 2006
- ԱՐՑՈՒՆՔ ԵՒ ԺՊԻՏ, Արձակ 2008
- ԿԱՐՕՏ ՈՒ ՄՈՐՄՈՔ, Բանաստեղծութիւն 2010
- ԵՐԿՈՒ ԱՓ, Բանաստեղծութիւն 2012[3]
- ՀԱՅԵՐԳՈՒԹԻՒՆ, Բանաստեղծութիւն 2015
- ՃԱԿԱՏԱԳԻՐ, ՍԷՐ, ՀԵԳՆԱՆՔ, Արձակ 2018
- ՀԲԸՄ. ՀԱՄԱԳՈՒՄԱՐ՝ 2012
- ՀԲԸՄ. ՀԱՄԱԳՈՒՄԱՐ՝ Փառաւոր Անցեալ 2018
- ՎԱՌ ՏԵՍԻԼՔԻ ՂԵԿԱՎԱՐԸ՝ Պ. ՍԵԴՐԱԿԵԱՆ 2022
Ունի տակաւին տասնեակ մը անտիպ գործեր:
Դասախօսութիւններ
ԽմբագրելՀամբիկ Մարտիրոսեան որպէս հրապարակախօս, դասախօսութիւններով հանդէս եկած է զանազան գաղութներէ ներս, այսպէս՝ Պէյրութ, Դամասկոս, Հալէպ, Ամման, Վալանս, Աթէնք, Կիպրոս, Փարիզ, Երեւան եւ Արցախ:
Համաժողովներ ու Համագումարներ
ԽմբագրելՄասնակցած է Հայաստան-Սփիւռք համաժողովներու, ինչպէս նաեւ Լրագրողներու եւ Գրողներու համագումարներուն:
Պարգեւներ եւ շքանշաններ
ԽմբագրելՍփիւռքէ ներս իր կատարած ազգային, հասարակական ու հայ-րենասիրական ծառայութիւններուն համար Համբիկ Մարտի-րոսեան պարգեւատրուած է՝
- Սփիւռքի Նախարարութեան «ԴԻՊԼՈՄ»-ին, երբ «ԽՕՍՆԱԿ»-ը հանդիսացած է Սփիւռքի լաւագոյն ամսաթերթը՝ 2002-ին:
- «ԶԱՐԹՕՆՔ» Օրաթերթի «ՄԱՄԼՈՅ ՄՐՑԱՆՔ»-ին.
- Հայաստանի Գրողներու Միութեան «ՎԱՍՏԱԿԱՒՈՐ ԳՐՈՂ» մետալին,
- Սփիւռքի Նախարարութեան «ԲԱՐՁՐԱԳՈՅՆ ՈՍԿԵԱՅ ՇՔԱՆՇԱՆ»-ին,
- Հայաստանի Հանրապետութեան Պաշտպանութեան նախա-րարին «ՀԱՅՈՑ ԲԱՆԱԿԻ 20-ԱՄԵԱՅ» մետալիոնին,
- Հայաստանի Հանրապետութեան Վարչապետին «ՄԱՅՐԵՆԻԻ ՏՕՆ»ի առթիւ՝ «ՈՍԿԵԱՅ ՇՔԱՆՇԱՆ»-ին,
- Հայաստանի Հանրապետութեան Նախագահին «ՄՈՎՍԷՍ ԽՈՐԵՆԱՑԻ» շքանշանին,
- Նաեւ, շատ մը պարգեւներ ու վահանակներ՝ զանազան գաղութ-ներէ եւ կազմակերպութիւններէ:
Ծանօթագրութիւններ
Խմբագրել- ↑ «Ինչո՞ւ նոր սերունդը հեռու կը մնայ ազգային գործերէն եւ պաշտօններէն»։ Hetq.am։ 2023-04-13։ արտագրուած է՝ 2024-04-04
- ↑ «Համբիկ Մարտիրոսեան»։ Arevmtahayeren-shmg.am։ արտագրուած է՝ 2024-04-04
- ↑ «Բանաստեղծ Համբիկ Մարտիրոսյանը պարգևատրվեց ՀՀ գրողների միության մեդալով»։ armenpress.am։ արտագրուած է՝ 2024-04-04