Ներսէս Պետրոս ԺԹ.

Ներսէս Պետրոս ԺԹ.;
Ծնած է	17 Յունուար 1940
Ծննդավայր	Գահիրէ, Եգիպտոս
Մահացած է	25 Յունիս 2015 (75 տարեկանին)
Մահուան վայր	Պէյրութ, Լիբանան
Քաղաքացիութիւն	Եգիպտոս
Կրօնք	Հռոմի Կաթոլիկ եկեղեցի եւ Հայ Կաթողիկէ Եկեղեցի
Ուսումնավայր	Քահանայապետական Գրիգորեան Համալսարան; Pontificio Collegio Armeno?
Մասնագիտութիւն	Կաթոլիկ քահանայ, Կաթոլիկ եպիսկոպոս
Վարած պաշտօններ	Թեմի առաջնորդ եւ Թեմի առաջնորդ

Ներսէս Պետրոս ԺԹ. Թարմունի (17 Յունուար 1940(1940-01-17)^[1], Գահիրէ, Եգիպտոս - 25 Յունիս 2015(2015-06-25)^[1], Պէյրութ, Լիբանան^[3]), Կաթողիկոս Պատրիարք Տանն Կիլիկիոյ Կաթողիկէ Հայոց։

Կենսագրական գիծեր

Հինգերորդ զաւակն է ութ զաւակներու տէր ընտանիքի մը։ Կրթութիւնը ստացած է Գահիրէի Ֆրէրներու Քոլէճներուն մէջ։

Փոքր տարիքէն քահանայական կոչումը զգալով ղրկուած է Հռոմ, Լեւոնեան Քահանայապետական Հայ Դպրեվանքը, եւ յաճախած է Գրիգորեան Համալսարանը փիլիսոփայութիւն եւ աստուածաբանութիւն ուսանելու։

Քահանայ ձեռնադրուած է Գահիրէ, 15 Օգոստոս 1965-ին, ձեռամբ թեմի Առաջնորդ՝ Ռաֆայէլ Եպս. Պայեանի եւ ստանձնած է Գահիրէի ժողովրդապետութեան պատասխանատուութիւնը, օժանդակելով Գեր. Յովհաննէս Վրդ. Գասպարեանի, հետագային՝ Յովհաննէս Պետրոս ԺԸ. Կաթողիկոս Պատրիարք։

1968-էն 1990, եղած է ժողովրդապետ Հելիոպոլսոյ «Գահիրէ»ի եկեղեցւոյ, յատկապէս քաջալերելով զանազան հոգեւոր շարժումներու գործունէութիւնը։

18 Փետրուար 1990-ին, Աղեքսանդրիոյ Հայ Կաթողիկէ Թեմին Առաջնորդ օծուած է ձեռամբ Ամեն. Յովհաննէս Պետրոս ԺԸ. Կաթողիկոս Պատրիարքին։

1992-էն 1997, իբր անդամ Եգիպտոսի Կաթողիկէ Նուիրապետութեան, ան Ընդհանուր Քարտուղարի պաշտօն վարած է Եգիպտոսի Կաթողիկէ եկեղեցիներու Հովուական խորհուրդին։ Իբր անդամ Հայ Կաթողիկէ Եկեղեցւոյ Եպիսկոպոսաց Սիւնհոդոսին, ան եղած է յաջորդաբար՝ Անդամ Եպիսկոպոսներու Խորհուրդին՝ կառավարելու համար Պատրիարքական Ատեանը 1993-էն 1995:

Նախագահ Քահանայական Կոչումներու Պատրիարքական Յանձնախումբին 1993-էն 1995:

Անդամ Հայ Կաթողիկէ Եկեղեցւոյ Մնայուն Սիւնհոդոսի 1994-էն 1999:

Ընտրութիւն

7 Հոկտեմբեր 1999-ին՝ Հայ Կաթողիկէ Եպիսկոպոսաց Սիւնհոդոսին կողմէ ընտրուած է Կաթողիկոս Պատրիարք Տանն Կիլիկիոյ Կաթողիկէ Հայոց եւ առած է Ներսէս Պետրոս ժԹ. անունը։ Գահակալութեան արարողութիւնը տեղի ունեցած է նոյն ամսուան 24-ին։ 13 Դեկտեմբեր 1999-ին՝ Եկեղեցական Հաղորդութիւն ստացած է Յովհաննէս Պօղոս Բ. Սրբազան Քահանայապետին կողմէ։

Ճամբորդութիւններ

Մասնակցած է Յովհաննէս Պօղոս Բ. Սրբազան Քահանայապետին այցելութիւններուն՝ Եգիպտոս «Փետրուար 2000», Յորդանան «Մարտ 2000», Սուրիա «Մայիս 2001» եւ Հայաստան «Սեպտեմբեր 2001»:

Իր գահակալութենէն ի վեր, հովուական այցելութիւններ կատարած է հետեւեալ երկիրները՝ Յորդանան «Մարտ 2000», Ֆրանսա «Մայիս 2001», Շուէտ «Մայիս 2001», Աւստրալիա «Յունիս 2001 - Մարտ 2004», Լեհաստան Յունիս 2001», Հայաստան «Սեպտեմբեր 2001 - Ապրիլ 2008», Ուքրանիա «Հոկտեմբեր-Նոյեմբեր 2001», Պարսկաստան «Փետրուար 2003 - Նոյեմբեր 2004», Քեսապ «Օգոստոս 2003», Եգիպտոս «Դեկտեմբեր 2003», Հալէպ- Սուրիա «Մայիս 2004», Երուսաղէմ «Սեպտեմբեր 2005», Լատին Ամերիկա «Հոկտեմբեր- Նոյեմբեր 2005» եւ Ղարաբաղ «Յուլիս 2006»:

Գլխաւոր գործեր

Ան թիկունք հանդիսացած է համայնքի վարժարաններու ծաղկումին ու վերելքին, մանաւանդ բանալով երկրորդական բաժինը Ս. Խաչ-Հարպոյեան վարժարանին մէջ։ Ինչպէս նաեւ քաջալերած է լրատուական միջոցները, յատկապէս վերահրատարակութիւնը ապահովելով պատրիարքութեան թեմի, «Մասիս» ամսաթերթին։

7 Հոկտեմբեր 2001-ին, իր խնդրանքին համաձայն եւ Հայաստանի քրիստոնէացման 1700-ամեակի առիթով, Հռոմի Ս. Պետրոս հրապարակին վրայ, 1915-ի ցեղասպանութեան ընթացքին նահատակուած Մարտինի Առաջնորդ Իգնատիոս Արք. Մալոյեան Երանելի հռչակուած է Յովհաննէս Պօղոս Բ. Սրբազան Քահանայապետին կողմէ։

Փետրուար 2002-ին, Կաթողիկոս Պատրիարքը առաջին ժողովրդապետութիւնը կը հիմնէ Մոսկուա՝ նոր առաքելութիւն մը սկսելու համար Ռուսաստանի մէջ, շարունակելով 1991-ի Հայաստանի ու Վրաստանի մէջ սկսուած առաքելութիւնները։

Յունուար 2005-ին, Հոգեւոր Տիրոջ խնդրանքին համաձայն եւ ներկայութեամբ ու օրհնութեամբ Յովհաննէս Պօղոս Բ.ի, Վատիկանի Ս. Պետրոս Պազիլիքայի արտաքին պարիսպին վրայ մեծ հանդիսութեամբ կը կատարուի զետեղումը Ս. Գրիգոր Լուսաւորիչի արձանին։

Յունուար 2005-ին, Հռոմի մէջ Հոգեւոր Տէրը Գիտաժողով մը կը կազմակերպէ Ս. Գրիգոր Նարեկացիի մահուան հազարամեակին առիթով, որուն հետապնդուած նպատակն է հռչակել տալ Ս. Գրիգորը, «Ընդհանրական Եկեղեցւոյ Վարդապետ»:

Յուլիս 2006-ին, ան կ'այցելէ Ղարաբաղ։ Պատմութեան մէջ առաջին անգամն է որ Հայ Կաթողիկէ Կաթողիկոս Պատրիարք մը կ'այցելէ Ղարաբաղի Հանրապետութիւնը։

Փետրուար 2008-ին, իր նախաձեռնութեամբ, Պենետիկտոս ԺԶ. Սրբազան Քահանայապետը մեծ հանդիսութեամբ բացումը կը կատարէ եւ կ'օրհնէ Ս. Գրիգոր Լուսաւորիչի անուան Հրապարակը եկեղեցական եւ քաղաքական հայ եւ օտար բարձր անձնաւորութիւններու, կղերականներու, մայրապետներու եւ Հռոմի ու զանազան երկիրներէ ժամանած հայ ուխտաւորներու ներկայութեամբ։

Մահը

Ներսէս Պետրոս ԺԹ. կաթողիկոս կը մահանայ 25 Յունիս 2015-ին Պէյրութի մէջ, սրտի կաթուածով՝ 75 տարեկան հասակին^[3]։

Պարգեւներ

16 Սեպտեմբեր 2015-ին ՀՀ Նախագահի հրամանագիրով յետմահու պարգեւատրուած է Ս. Մեսրոպ Մաշտոցի շքանշանով^[4]։

Արտաքին յղումներ

Տէր Ներսէս Պետրոս Ժթ.-ն Հայ կաթոլիկ եկեղեցւոյ կայքին մէջ Archived 2014-04-26 at the Wayback Machine.

Ծանօթագրութիւններ

↑ ^1,0 ^1,1 ^1,2 ^1,3 ^1,4 https://pantheon.world/profile/person/Nerses_Bedros_XIX_Tarmouni
↑ ^2,0 ^2,1 Catholic-Hierarchy.org — USA: 1990.
<a href="https://wikidata.org/wiki/Track:Q30"></a><a href="https://wikidata.org/wiki/Track:Q3892772"></a>
↑ ^3,0 ^3,1 «Մահացած է Հայ կաթողիկէ եկեղեցւոյ կաթողիկոս պատրիարքը»։ արխիւացուած է բնօրինակէն-էն՝ 2019-04-07-ին։ արտագրուած է՝ 2018-08-19
↑ ՏԱՆՆ ԿԻԼԻԿԻՈՅ ՆԵՐՍԷՍ ՊԵՏՐՈՍ Ժթ. ԿԱԹՈՂԻԿԷ ՀԱՅՈՑ ԿԱԹՈՂԻԿՈՍ-ՊԱՏՐԻԱՐՔԻՆ Ս. ՄԵՍՐՈՊ ՄԱՇՏՈՑԻ ՇՔԱՆՇԱՆՈՎ ՊԱՐԳԵԻԱՏՐԵԼՈՒ ՄԱՍԻՆ^{[permanent dead link]}

[[https://pantheon.world/profile/person/Nerses_Bedros_XIX_Tarmouni_https://pantheon.world/profile/person/Nerses_Bedros_XIX_Tarmouni]<span_class="wef_low_priority_links"></span><div_style="display:none"></div>-1] 1,0 ^1,1 ^1,2 ^1,3 ^1,4 https://pantheon.world/profile/person/Nerses_Bedros_XIX_Tarmouni

[<span_class="wikidata_cite_citetype_Q35127_citetype_Q8513"_data-entity-id="Q3892772">[[:en:Catholic-Hierarchy.org|Catholic-Hierarchy.org]]<span_class="wef_low_priority_links">_—_[[:Ամերիկայի_Միացեալ_Նահանգներ|USA]]:_1990.</span></span><div_style="display:none"><a_href="https://wikidata.org/wiki/Track:Q30"></a><a_href="https://wikidata.org/wiki/Track:Q3892772"></a></div>-2] 2,0 ^2,1 Catholic-Hierarchy.org — USA: 1990.
<a href="https://wikidata.org/wiki/Track:Q30"></a><a href="https://wikidata.org/wiki/Track:Q3892772"></a>

[death-3] 3,0 ^3,1 «Մահացած է Հայ կաթողիկէ եկեղեցւոյ կաթողիկոս պատրիարքը»։ արխիւացուած է բնօրինակէն-էն՝ 2019-04-07-ին։ արտագրուած է՝ 2018-08-19

[4] ՏԱՆՆ ԿԻԼԻԿԻՈՅ ՆԵՐՍԷՍ ՊԵՏՐՈՍ Ժթ. ԿԱԹՈՂԻԿԷ ՀԱՅՈՑ ԿԱԹՈՂԻԿՈՍ-ՊԱՏՐԻԱՐՔԻՆ Ս. ՄԵՍՐՈՊ ՄԱՇՏՈՑԻ ՇՔԱՆՇԱՆՈՎ ՊԱՐԳԵԻԱՏՐԵԼՈՒ ՄԱՍԻՆ^{[permanent dead link]}

[1]

[3]

[2]

[4]

Ներսէս Պետրոս ԺԹ.

Ծնած է	17 Յունուար 1940(1940-01-17)^[1]
Ծննդավայր	Գահիրէ, Եգիպտոս
Մահացած է	25 Յունիս 2015(2015-06-25)^[1] (75 տարեկանին)
Մահուան վայր	Պէյրութ, Լիբանան
Քաղաքացիութիւն	Եգիպտոս
Կրօնք	Հռոմի Կաթոլիկ եկեղեցի^[2] եւ Հայ Կաթողիկէ Եկեղեցի
Ուսումնավայր	Քահանայապետական Գրիգորեան Համալսարան Pontificio Collegio Armeno?
Մասնագիտութիւն	Կաթոլիկ քահանայ, Կաթոլիկ եպիսկոպոս
Վարած պաշտօններ	Թեմի առաջնորդ եւ Թեմի առաջնորդ^[2]